Skip to content

[升小數據] 學之園小一派位成績

成日聽到人話「你想讀邊間小學,先要揀啱間幼稚園」。如果你係心儀直資或私立小學既家長,學之園呢間幼稚園你一定會聽過。比起一d「老牌」幼稚園,學之園越來越受家長支持,分校都越開越多 (宜家開緊第6間)。究竟學之園既學生係咪好多都考左入直私小學?今次「升小數據」拎左佢地學校網頁近5年 (2012 – 2017) 既派位結果比大家參考下。

學之園既學生係咪真係多數入直私小學?

綜合近5年4間學之園分校既數據,學之園既畢業生有7成會入讀直資或者私立小學:

如果再睇埋每年既分怖,呢個比率算係有增無減:

邊間直私小學最多學之園既學生入讀?

綜合晒5年4間分校所有學生,最多人入讀既直資或者私立小學:

結果係兩間保良局既名牌直資同埋私校分別跑出 -陳守仁同埋蔡繼有,緊隨其後既有SFA同埋培橋。將軍澳四間直資有三間 (真道、播道、優才) 都在十大之內,可能都係因為有康城分校學生會揀既緣故。

如果想再仔細d睇返每間分校係每年既派位結果,可以參考下面既互動表格 – 揀返你要既年份、小學類別同埋分校就可以睇到:

下回「升小數據」我會再搵第2間幼稚園既數據同大家分享下。如果有邊間幼稚園你有興趣想知道佢地小一派位係點,歡迎你留言或者email去me@school-dad.com,我會去幫你搵搵!

:資料來源:https://www.learninghabitat.org/web/index.php?id=79
好校爸淨係整理以上數據以作出上文既總結

3 Comments

  1. Mr. Poon Mr. Poon

    St.Catherine
    迦南(九龍塘)
    劍鳴
    約克

    • 好校爸 好校爸

      多謝你既提議!需要時間research下到底呢幾間幼稚園有無放佢地升小一既數據出黎,等我整一下再出另一個post,可能要等等!做好會係度通知返你。

  2. […] 講到星級幼稚園,維多利亞幼稚園(簡稱維記)肯定係星爸星媽其中一個熱門選擇。擁有8間分校既維多利亞幼稚園由PN班開始已經係勁多人排隊想考入既幼稚園。繼上次睇完新貴學之園,今次一於睇睇維記既小一派位結果係點! […]

發表回覆

你的電郵地址並不會被公開。 必要欄位標記為 *