[姐弟海外升學記] (十八) 海外搵工記:結果是……

經過HRhiring manager既兩輪面試,終於完成咗人生第一次喺香港以外既地方見工。

當初其實無諗住咁快有得interview,所以本身對搵工呢件事無乜期待。不過in完兩round之後,又忽然好想今次可以一舉成功。

廣告
Loading...

HR既電郵終於來了。

我地成日話「一盤冷水照頭淋」;睇到封email既時候,真係打咗個冷震。

HR話我落選了,hiring manager喺我同另一個finalist之間,㨂咗另一位。其中一大原因,係hiring manager覺得我唔係好想做team management,而呢個role卻比較需要呢樣野,所以無揀我。

講真都幾失望,唔係因為自己信心爆棚,而係因為難得個role同以前做既野咁接近,今次衰咗唔知仲有無下一個機會。唯有同自己講:都係見得果一份工,如果覺得自己可以咁容易一擊即中又未免有啲自負。想當年SARS出黎做野,寄過百封信無人睬你都係咁啦。

如是者,生活如常,收拾心情move on。因為廣告都有話:「希望在明天丫嘛」。


過咗兩個星期,再次收到 HR email。我以為佢搵我純粹攞下成個interview process既feedback,點知個內容竟然係:hiring manager宜家要請多一個人,佢同HR話不如直接請我。不過今次呢個role比上次見既再低一級,問我仲想唔想去做。

「再低級啲」、「再低啲人工」喎,做唔做好?

廣告
Loading...

對於好多考慮移民既人黎講,「由零開始」、「由低做起」、「低級啲」、「降身價」、「減人工」、「打份二等工」幾乎成為一種魔咒。不論移民目的地既物價同生活方式如何,但只要一聽到呢幾個詞語,習慣「向上爬」既我地好自然會感到失落,什至不能接受。

再加埋好多時睇啲報道講人移民,通常會咁寫:「某某公司高層放棄高薪厚職毅然移民」而唔會寫「某某公司高層移民後皮膚好咗」。大家就會覺得:係喎,要放棄好多、失去好多㗎喎。

去到一個新既環境,搵唔搵到工、搵幾錢人工、職位有幾高,有好多野可能會受環境際遇所限,我唔會安慰你話「無問題,一定搵得返㗎」。再加上Covid 19,連當地人都分分鐘無野做既情況下,就業條件艱難,不難理解。

現實係:一日唔落場,一日都無法知道自己喺呢個職場既價值有幾多。


N年前老婆初次提起移民既時候曾經同我講過:唔好諗住自己會做得返本行。做唔返都無所謂呀,有野做,做乜都好。呢個念頭好似inception咁種咗係我個腦,或者某程度上,老婆係一早幫我對所謂由低做起既「不良反應」打咗支預防針。所以當我真係遇上呢個現實既時候,不知不覺就免疫了。

客觀現實無得控制,不過用咩心情對待,呢樣野我地仲可以控制。

我回覆HR話我會proceed,HR用咗幾日安排contract俾我網上簽,簽完再confirm埋我既返工日期 – 有少少難以置信地,我終於係另一個國度重拾返打工仔呢個身份。

的確,人工少了,職位低了。不過幾廿歲人,竟然可以相隔廿年後由old seafood變成好似fresh grad一樣咁初出茅廬;呢個經驗對我呢個中坑黎講,或者分分鐘會比攞到好多錢有更大既收穫。

廣告
Loading...

One comment

  1. 加油💪🏻

Leave a Reply

想睇到最新內容?

歡迎讚好「好校爸」Facebook專頁!