Skip to content

真道第一次面試

真道 (全名香港華人基督教聯會真道書院)係其中一間有開辦IB課程既直資學校 (唔知IB係乜,參考下升小術語),而且係咁多間開 IB既學校中最平 (又稱平民IB)。但起初報考呢間學校唔係因為佢有IB,而係從好多唔同用家聽到呢間係happy school -或者係我既定義 – 唔chur school,希望阿囡入到既話係真係會學得開心。

交通

面試係5月20日星期六早上進行。我地搭地鐵去到調景嶺站A1出口,一出門口望左手邊都已經可以望到間學校:

一路沿住條路行十分鐘左右去到嶺光街左轉就到。

真道其實有兩個校舍,嶺光街既第一校舍即係小學部校舍。中學部校舍其實都好近,記得睇清楚佢係去邊度interview (不過我段估唔會叫你去中學部既)。

真道面試內容

由於係第一次面試淨係考小朋友,內容都係靠唔同家長報料同埋阿囡share返:

  • 拋接豆袋:呢個好似玩左2、3年,阿囡話自己拋得好好。有個同學個阿媽話佢個囡一野拋左去阿sir塊面度,佢自己仲好proud咁覺得自己好準 (誤)
  • 寫自己個名:之前知道歷屆第一次面試都有考寫中英文名所以無論幼稚園同埋我地都有train阿囡寫。考完出黎個個同學都話寫左中 + 英文名,但阿囡堅持話老師淨係叫佢寫佢name tag上既名 (好似係英文),唔駛寫晒
  • 畫畫:又係歷屆都有考既題目;已經叫做有叫阿囡練習下,但無奈佢係抽象派既大師想改都改唔黎,所以無法唯有隨緣。阿囡話副晝老師係由佢地自己畫,無比題目

就咁聽完幾個同學家長既料,感覺佢地其實係考小朋友有無聽清楚指示去做:例如寫名 – 因為年年都考,而且有人上午考先,我地幾個家長懷疑佢地安排有d唔一樣等你無得prep定,同時考小朋友有無思考同留心,定係背左家長幫佢prep既答案。

面試結果

其實一開始對阿囡面試小一相當擔心,因為阿囡一向好慢熱,係呢d咁需要短時間內show time既場合絕對唔係阿囡所擅長。不過第一間去in既真道過左2個月(7月11日) 就有好消息:阿囡順利入到真道第二次面試

除左改變左我對阿囡慢熱呢個弱點既想法,更加令我同老婆緊張起黎 – 因為呢次輪到我地要溫書了!

4 Comments

  1. RUBY RUBY

    你囡囡好勁,in 咁多都中,想請問你覺得係咩因素令你囡囡可以成功過到咁多interview ? 謝謝。

    • 好校爸 好校爸

      Ruby你好!講真其實我地都唔知…其實亦唔係中左好多,我地都係in得幾間。我地無比佢出去上面試班(學校攪左一個我地有join),亦無乜點prepare佢去見老師。我同老婆自己都有苦讀下間學校係點既,但亦唔覺得係一個success factor。

      佢學校d英文都算跟得幾好(因其一班主任係英文老師),同埋本身鐘意睇書可能有少少幫助吧! 佢算係好自律守規矩既小朋友,可能老師覺得佢都算肯聽instructions所以比佢過到?

  2. Babychan Babychan

    想問真道有校車到荃灣嗎?大約要几點上車和放學?另外,如果將來要讀IB,是否要老師推薦才可?謝謝你的分享!

    • 好校爸 好校爸

      你好!因為未收到今年校車資料,可能八月中先再答到你了。IB方面係學生意願,不過係暫時個whatsapp聽d大仔大女讀緊既家長話要通過一個英文試先可以入到IB stream。

發表回覆

你的電郵地址並不會被公開。 必要欄位標記為 *