Skip to content

[讀家消息] (五) 點解要揀播道?

之前曾經share過播道簡介會有幾攪笑同埋林峰校長教家長點教仔,不過真係關於間學校既課程內容其實無真正探究過。

今次由一位播道既熱心用家同大家分享呢間將軍澳一條龍直資學校的特色!

問:點解你會揀呢間學校?

答:我㨂播道,因為:

  • 粵教中
  • 英文教學、兩文三語
  • 一條龍上中學
  • 學校校長、老師有愛心
  • 重視德育培訓
  • 用文言文教古訓教導學生做人的道理,又可為學生的中文打好基礎
  • 基督教

問:你覺得小朋友有咩特點呢間學校會收佢?

答:其實我都唔知,我都想知。哈哈!可能她面試時肯答問題,同埋玩遊戲時合群吧!

問:你宜家最鐘意呢間學校既係咩?

答:首先學校正式上課時間是早上8:30am,朝早可以遲少少起床 😊。老師同校長對教學有熱誠及對小朋友有愛心,學校會「做起」學生,會用正面的態度來鼓勵和教導他們,令他們建立自信,唔會「做底」他們。

學校亦真正做到有教無類,雖然入學條件比較高,但如被獲取就可以一直讀到上中學,不會踢走學生。

問:學校功課量如何?

答:每天大概4-6份,包括改正。我覺得程度合理,學生一般自己能應付得到,但中文比較深。我女需要用大概1小時完成每天的功課。

問:學校默、測、考量同埋深淺如何?

答:一年兩考(1月和6月)和持續性評估。默書每星期一次,今星期中默,下星期英默。平常各科也定期有quiz,大部分科目的quiz只計最高的一或兩次。程度不算淺,但合理。

問:學校多唔多活動 (課外活動、家校活動, etc)?

答:每位學生起碼有兩個課外活動Life-wide Learning (LWL), 其中有一個活動在每星期的下午最後兩節課堂的時間上,另一個在課後或星期六上。開學時,學校提供了課外活動簡介表讓家長各選三項,然後再抽籤。

學校也有提供很多家教活動,eg. 到老人院探老人家、DIY耳環首飾班、行山、戶外旅行,etc. 多數為學校義工爸媽而設,但可惜有大部份活動都是在平日舉行,有些在職爸媽(包括我)也不能參加。

問:有咩你覺得學校可以再做好d?

答:如果可以提供多點樂器課外活動就好了!另外,現時外籍老師的英文課一個月只有一堂,希望學校增加堂數讓同學更多機會向外籍老師學習。

問:有無其他關於學校既野想同其他家長分享?

答:我聽返d家長講話今年播道書院的課程的確係比以前深咗好多,而且要求也高咗,絕對唔係一間沒有功課測驗的happy school,但都應該比外面嘅津校happy。同埋今年係播道學院的第一年親生仔考DSE,成績都好理想! 最後,學校將會擴充校舍,給學生嘅資源將會更多!

我覺得自從阿女讀左呢間學校之後開心咗同埋多咗自信心。除此之外,佢分享多咗喺學校嘅點滴俾我地聽。中文都改善咗好多。同學普遍都好樂於助人和友善。班裏的兩位班主任都好有愛心和細心,佢哋都有留意到我囡上堂嘅表現和習慣!

Last but not least, 我好想讚一讚個校長,睇得出佢真係好有心去為呢間學校付出,同埋佢同學生和家長會打成一片,感情真係好好。佢每次見到我哋班家長都會主動同我地交談。我由開學到12月為止見到佢喺學校/學校活動的次數係多過我見到幼稚園校長在學校一年的次數🤣🤣!我囡同佢啲同學每次見到校長都會話佢好搞笑,佢哋會好開心!😁

呢D應該都啱你睇

(三) 點解要揀真道? 如果你有睇過我介紹真道呢間學校同埋阿囡小一上學記,或者多多少少會明白我鐘意呢間學校啲乜野。 作...
(四) 點解要揀優才? 曾經係呢個環節度搵過一位家長分享點解揀優才,亦因自己親身體驗講過唔少關於優才既資料。新學年過左一半,...
(二) 點解要揀林文燦(LMC)? 保良局林文燦英文小學 (LMC)係九龍區相當受家長喜愛既直資英文小學。當年係簡介會聽完同學既英文、睇...
(一) 點解要揀優才? 「讀家消息」-顧名思義係想搵係唔同學校讀緊書既學生家長分享佢地對間學校既第一身感受,同埋當年點解佢地...

Be First to Comment

發表回覆

你的電郵地址並不會被公開。 必要欄位標記為 *