Skip to content

[讀家消息] (一) 點解要揀優才?

「讀家消息」-顧名思義係想搵係唔同學校讀緊書既學生家長分享佢地對間學校既第一身感受,同埋當年點解佢地會㨂呢間學校。

第一篇搵左一位優才既家長講下佢當年點解要揀優才:

問:當年考小學考左邊幾間?有邊幾間有offer?

答: 當年考左音小、陸慶濤、港同、德望同優才,最終優才有offer。

問:點解你會揀呢間學校?

答:優才既敎育質素好好,而且係一條龍學校,唔駛煩多次。另外由於家住將軍澳,學校位置近亦好重要。

問:你覺得小朋友有咩特點呢間學校會收佢?

答:面試真係好考即時反應,小朋友太被動好難獲取錄,太主動又未必會收。可能阿囡既反應arm arm 好 – 有反應又適可而止,所以學校揀左佢。我地做家長既當然都好努力’溫習’,比老師知道我地係了解間學校,所以阿囡最後成功被取錄。

問:你宜家最鐘意呢間學校既係咩?

答: 優才既學習氣氛好好,小朋友返學無太大壓力。

問:有咩你覺得學校可以再做好d?

答:校車接返學時間太早(小一至小三上課地點係旺角),放學後如果可以留校溫習功課更好。

如果你都想分享比大家知你對你小朋友讀緊果間學校有乜睇法,又或者你想聽某間學校既家長分享,歡迎你email me@school-dad.com,好校爸會同你聯絡!

Be First to Comment

發表回覆

你的電郵地址並不會被公開。 必要欄位標記為 *