[讀家消息] (二) 點解要揀林文燦(LMC)?

  •  
  •  
  •  
  •  
  •  

保良局林文燦英文小學 (LMC)係九龍區相當受家長喜愛既直資英文小學。當年係簡介會聽完同學既英文、睇到學校跳繩隊既表演同埋校長對學校特色既介紹之後,對間學校留下非常好既印象。

今次好好彩搵到一位有兩個小朋友都讀LMC既家長分享佢對LMC既睇法,希望幫到你更認識呢間學校!

廣告
Loading...

問:點解你會揀呢間學校?

答:自己兩個小朋友都入讀LMC;替大的選校時貪圖九龍塘升中校網;而且學校英文非常好 – 全科英文教學(包括PE、IT、Music、 VA)、英文科教深一年。另外有Stem,校本課程編排亦非常好。👍🏻👍🏻

到小的考小學,因為已經是用家,安心學校適合,所以結果都選擇同一間學校。

問:你覺得小朋友有咩特點呢間學校會收佢?

答:最主要是面試主動不害羞吧!

問:你宜家最鐘意呢間學校既係咩?

答:校園氣氛活潑愉快,老師態度正面積極。課外活動、比賽機會都很多,小朋友很忙但返學每一天都很開心,充滿正能量。小朋友身心內外都得以發展。

廣告
Loading...

問:學校功課量如何?

答:每天大概4-6份。

問:學校默、測、考量同埋深淺如何?

答:一年三考。默書每星期一次,今星期中默,下星期英默。全年中、英各默九次。平常各科也定期有quiz,但不計入考試分,旨在測試孩子課堂上吸收多少。自己是對課程有要求的家長,我覺得LMC程度不淺。

問:學校多唔多活動 (課外活動、家校活動, etc)?

答:全校共有79種課外活動(團隊、興趣班+校隊),每天放學後「宅」在家的LMC學生著實不多。另家教會活動也很豐富,學校透明度超高。

問:有咩你覺得學校可以再做好d?

答:外判校車公司的收費和服務有待改善。

問:有無其他關於學校既野想同其他家長分享?

答:LMC學生除了每天基本學生責任要完成功課和學習以外,課外活動的參與也是磨練LMC學生成長的一部分,而這重要的部分在全人教育中是不可或缺的。學校沒有「死讀書」這回事。

LMC 不是一條龍小學,但學校給予學生表現自我,發揮所長的機會很多,能讓孩子在這個平台上成長六年,我覺得很安心、很值得。

廣告
Loading...


  •  
  •  
  •  
  •  
  •  

Leave a Reply

想睇到最新內容?

歡迎讚好「好校爸」Facebook專頁!