陸慶濤簡介會2017

  •  
  •  
  •  
  •  
  •  

保良局陸慶濤小學(又稱LHT)係將軍澳既直資小學,小學部既學生可以全部直升保良局羅氏基金中學。佢地攪既簡介會都幾特別 – 唔係個個有份聽,家長報完名後要抽籤抽中先有得去,而且個簡介會同時會有小朋友既試堂環節。一向無乜抽奬運既我好好彩抽中左,於是當日一早帶埋阿囡去學校睇睇。

簡介會rundown

去左幾間小一簡介會覺得佢地既安排好全面,真係幾比到你感受到佢個課程係點樣:

廣告
Loading...

學生表演

帶左阿囡去報到完就跟住上左禮堂,一黎就係學生音樂表演。我諗學校都有少少歷史,個禮堂唔算好大,坐第二排既我真係享受到surround sound既表演:

第一排既表演同學基本上係坐係我面前表演

課程特色

表演完左陳榮光校長出黎介紹課程。有別於一般簡介會講間學校,陳校長花左唔少時間講香港既教育制度既變化點樣影響中小銜接。

講真聽到一頭煙。校長大意係因為各種教育問題令中小銜接難上加難,中學需要花好多時間照顧來自各小學學生之間既差異。係LHT兩間學校合作緊密,中、小學部教職員定期交流,什至互相觀課,令升中時學習差距減到最低。

除左解釋中小緊密連接呢個賣點,校長亦好清楚表明佢地重績效,講求系統既特點。

例如做運動有做運動既指標:

廣告
Loading...

學音樂又有學音樂既指標:

陳校長仲比埋佢地按年既成績指標比大家睇下:

陳校長亦不諱言話唔明白區內一間標榜上午專心,下午開心既學校(佢無開名邊間小學,大家上網search下就會搵到)點令學生學到野,質疑無左d上堂時間點學野。

面試重點

學校跟住解釋埋佢地面試既安排同重點:

佢地原來個收生都好有系統地好似自行收生咁有計分(e.g. 兄弟姊妹分) ! 唔講唔知原來讀保良局既幼稚園係有著數ga,雖則唔多…

學生體驗課

聽完陳校長講野我地分組去觀課,睇下阿囡試堂玩成點。睇阿囡果堂係英文堂,老師都係同同學唱下歌仔咁幾happy。跟住去聽左另外幾個唔同既課堂,要數最印象深既大概係音樂堂吧!LHT既音樂堂會教小朋友電子音樂,去到佢地音樂室有好多唔同電腦比小朋友混音同編曲(不過好似係高少少年級先開始學)。

後記

覺得是次簡介會安排唔錯(雖則佢個online registration 做得認真麻麻),校長好開宗明義講出自己既理念,小朋友又有得親身試下上堂。自己聽完既感受係學校比較傳統同埋重成績,係呢度讀書應該唔輕鬆吧!有無d讀緊既家長分享下呢?

廣告
Loading...


  •  
  •  
  •  
  •  
  •  

Leave a Reply

想睇到最新內容?

歡迎讚好「好校爸」Facebook專頁!