第一次聽優才書院呢間學校個名就諗起x-men套戲入面professor X起果間學校，諗住佢地淨係教d有「特異功能」既兒童：
不過聽完簡介會，原來又唔係咁woh。
係咪一定要係資優先讀得？
其實優才唔一定係資優生先讀得，人人都可以申請。學校其實係信每個小朋友都有佢既天份，只不過係唔同人係唔同領域。所以學校其中一個主要信念係「多元智能」，著重發掘每個小朋友既天賦同埋興趣，幫佢地按自己既「資優」既部分發展。
咁當然如果你真係有特異功能，學校都會有相應既課程比你：
多元智能與才華班
基於呢個多元智能 – 人人都有唔同長處既信念，學校會做唔同既野去幫小朋友個別發展。
首先一年級果陣會同小朋友做個「多元智能測試」，幫你睇下小朋友係下面呢7個唔同多元智能入邊邊方面較強同有興趣：
然後學校會有77個唔同既才華班 – 簡單d講係興趣班，比小朋友跟據自己長處興趣揀2個想上既班上，人人有份。
學校仲定期評估小朋友既進度，等你知道佢既進步。
可以睇下唔同智能會有乜玩：
教學建基於未來世界既大趨勢
講左優才最大特色多元智能，學校搵左佢地學校其一始創人李業富教授講下學校既教學點針對未來世界既發展。
李教授講左未來世界幾個主要既trend同埋學校點相應教d小朋友，包括：
全球化
第一個大趨勢 – 所有野包括生產、發明同埋企業都係走向全球化。
有乜啟示？就係一定要有學位，英文不能弱; 學多種外語，同埋出去睇下個世界。
咁優才既教法對呢幾點有無成效呢？李教授話睇睇佢地大學入學率同埋考英文公開試成績就睇得到：
學校亦有相應課程或活動等學生多接觸外語、多接觸世界：
中國崛起
有乜啟示呢？李教授認為小朋友要認識祖國，學好普通話:
咁優才又做成點？課程上佢地會小學就開始學中史；普通話方面優才既學生考GAPSK(一個內地認可既普通話能力考試)100%通標：
資訊爆炸
知識比以前更加「流通」，電子學習、網上學習什至宜家已經有大學係網上開班。有乜啟示？李教授認為小朋友要有自己去research同埋使用電腦既技能。
優才會係唔同年級比學生學習創意、科學同埋電腦，希望等佢地未來活用到呢d skills 消化海量既知識：
科技突破
最後一個趨勢：IT同埋Internet興起；宜家仲開口埋口都AI:
咁有乜對策？學校認為係反而要針對學生既共通能力、創意同埋合作性：
學校點幫小朋友去學呢d野？靠打好根基同埋小班教學：
總結
聽左差不多十個簡介會，優才係其中一間能夠將佢地理念既由來同埋佢地點樣實踐個理念交代得好有說服力既學校。雖則好多人唔鐘意佢地收生程序麻煩（有人直頭覺得擾民)，但我聽完佢地簡介後有比之前鐘意多左間學校。當然…最終梗有幫阿囡報考左啦。
