得果兩張cert點寫小一portfolio?

當我決定左要幫阿囡整小一portfolio之後,我就立即發現其實我係無乜野寫。我地唔算比左好多野阿囡學(1-2樣普通野),仲要全部都無cert既,亦無比佢考過d咩級別試。如果你同我一樣,希望我既分享會對你有d幫助。

點解要整?係咪一定要整?

好坦白講我都唔知點解要整 (好想問d教書既friend其實你地有無人睇),不過我作為一個典型既香港人,學校寫左話可以交,我又點會想執輸呢。尤其是阿囡龍年既競爭咁激烈,基本上只要我做既野唔會有人因此而死,我大概都會試試吧….

有乜內容?要寫幾長?

諗左好耐,我諗不如將重點講下我地點同佢相處同點教佢啦,總好過無料扮4條。

我個template結果用左4頁紙連埋cover,相多字少個structure大約係咁:

第1頁:cover

我揀左一張我好鐘意阿囡既相,然後簡單寫下佢個名,讀邊間幼稚園,鐘意做d乜就完。由於無乜key achievements 列出黎晒冷,唯有簡單d,搵張自己睇見都開心既相做封面算。

第2頁:  家庭生活

呢頁基本上係家庭相簿;我當初覺得老師可能會係面試果陣會問我地平時會同小朋友做d咩,所以呢度搵既都係平時同佢地做得最多既活動既相 – 例如bed time stories,去圖書館。反而無放過任何去旅行既相,覺得唔係好反映到我地日常同佢地係點相處。如果小朋友有一d好既習慣不妨係度講下 (當然最好有相啦)。但無論寫乜都好,我覺得最緊要夠真。

第3頁:主要興趣

阿囡鐘意音樂,呢頁我地放左佢學唔同音樂同埋去音樂會既相。我其實反而覺得呢頁幾緊要 – 唔係淨係晒冷數小朋友學左幾多野,而係講呢個小朋友enjoy d 乜野。搵幾張佢笑到好燦爛既相丫唔該。

第4頁:奬項及課外活動

呢度放返佢有既cert – 我相信呢個應該係一d 有planning既家長晒冷既地方吧。好彩阿囡係學校都有拎過下一兩個奬同埋有比老師選過出去參加下d朗誦比賽,令我呢頁不至太空虛。

用咩黎整?

我係用Photoshop黎整個portfolio既。若你無Photoshop或者唔識用,用Microsoft Word都可以,不過我覺得用佢黎排板都幾高難度。如果你返工都要用Microsoft Powerpoint做下簡報既話,我覺得Powerpoint其實最易攪。

若你乜都唔想裝,用Google Slides (算係網上版既Powerpoint) 已經得。若你想個portfolio係打直print,入到去Google Slides選File > Page setup

跟住㨂Custom Size,然後入返A4個尺寸:

咁你個Powerpoint就會變左打直A4樣:

最後…

我其實覺得無論大家用咩方法整呢份野,一份好既portfolio,人地睇既時候應該會覺得似睇緊結婚擺酒果種成長片段多過似睇一份CV。你諗下若我要你睇晒所有人既portfolio,你想睇幾千份CV (唔係講笑,上年考直資閒閒地4000個人報一間)定幾千個成長片段?

大家同意嗎?

One comment

發佈回覆給「Emily Ho」的留言Cancel Reply

發佈留言必須填寫的電子郵件地址不會公開。 必填欄位標示為 *

想睇到最新內容?

歡迎讚好「好校爸」Facebook專頁!