[玩物] Rubik’s Battle:扭計骰既card game?

發現自己近來都係寫一對姐弟點同我「玩野」,但自從寫過Scrabble同埋Story Cube之後,好耐無寫過真係俾佢地「玩既野」。今次扚起心肝寫返一篇希望大家啱睇。

今次介紹既Rubik’s Battle可能大家未必聽過,但講到Rubik’s Cube – 即係扭計骰,大家就應該一定唔會陌生。雖則呢個遊戲同扭計骰係無乜直接關係。

呢個遊戲可以俾2 – 6個人一齊玩,首先按人數派牌(但唔准睇啲牌):

然後每一回合,所有人同一時間反一張牌出黎:

呢個時間大家要鬥快做以下其中一樣野:

  • 講出一隻淨係係你張咭有,但其他咭無既顏色
  • 或者講出一隻淨係係其他咭有,但你張咭無既顏色
  • 如果有兩個人張咭一樣,鬥快講Rubiks Battle

最快做啱以上是但一樣野果個人就會勝出呢個回合,可以收晒其他人既咭。玩晒所有咭之後,手上有最多咭既就為之贏。

唔明?我寫得咁好都唔明?

咁…其實係可以睇呢條片介紹既:

雖然個game話係7 years old +,不過呢個game其實阿囡小一果陣就已經開始玩,都算好易掌握,仲相當刺激。至少……呢個遊戲你作為大人唔放水都未必贏到個小朋友(當然…呢個可能係我既問題)。

邊度有得賣?又係人地送所以我都唔知……不過我相信書局應該有得賣。有興趣既朋友可以去搵下。知道邊度有既家長亦歡迎留言!

Leave a Reply

發佈留言必須填寫的電子郵件地址不會公開。 必填欄位標示為 *

想睇到最新內容?

歡迎讚好「好校爸」Facebook專頁!