上回講到真道一年級既第三次迎新日,曹校長一開始同各位家長做左一個好有意思既分享;跟住就由助理校長Miss Yuen為大家講下新學年返學係點,同埋學校有咩建議幫一班小學雞盡快適應小學生活。今次part 2為左方便大家睇,我將Miss Yuen既分享變左以下Q& A:
問:真道返學時間係幾長?開學有無適應週?
開學頭3日有特別安排返半日,第4日開始已經會係正常時間 – 朝早8:10am 返到下午4:15pm。真心係比一般學校長。
問:要帶咩文具返學?
學校其實好想減輕小朋友拎野既負擔,Miss Yuen 比左一啲例子比大家睇下點解同學既書包會咁重。
首先睇下呢位來自測量界既同學 – 一個人有5把間尺:
再黎有成套木顏色同side pen,來自設計界既同學:
其實學校日常會用到既文具唔駛咁多,學校推介要帶既有以下既文具:
咁我把私人較剪點算先?以下既文具家長可以先放入一個文具袋等小朋友成袋放係學校度,要用時係學校度拎出黎就可以了:
問:要帶咩返學 v.s.返屋企?
學校為左方便同學知道咩要帶返學咩係唔駛再帶,設計2個我認為好偉大既Bring Home同埋Bring School Folders:
Miss Yuen亦有再三提醒:應該用呢個機會好好放手比小朋友學習自己管理自己既野,執書包執唔需要既野返屋企:
問:食lunch有乜安排?
食lunch安排有3種:
學校當然比較prefer你揀1或2 – 因為小一同學太細都未必好識處理自己既食物。如果有愛心飯盒,可以係下面時間度拎返去學校既收集處(係校務處對面)用專用名牌寫低比邊個,按名牌顏色放係收集車就ok。
問:點知幾時交咩功課?唔交功課有乜後果?
真道會有家課冊比小朋友寫低要交啲咩功課。原來真道一年係有4-5個學期,每個學期都有一本唔同顏色既家課冊:
交功課既logic亦好簡單 – 佢地既功課一定係第二日交,如果係星期五又或者份功課比較長,就會係下一個星期一交。
咁無交功課有咩後果?Miss Yuen話其實真道算好「扺玩」- 欠交5次會出一張綠紙警告,收到5張綠紙就收一張白紙警告,同時操行分會降到B或以下 – 換句話說係欠25次功課先會受到「大懲罰」。
問:真道小一同學做功課要做幾耐架?
做功課既速度始終因人而異,學校上年就同小一既家長做左個統計,問佢地小朋友做功課要做幾耐,結果如下:
Miss Yuen話其實因為星期一至四放學前都有導修堂,同學仔專心既大部分係學校都已經可以做晒功課。上面既時間有部分係家長覆核小朋友功課既時間 (例如最興既見啲字唔靚寫過)。咁睇即係有7成同學都係半個鐘之內就攪掂:大家覺得合理嗎?
總結左真道新手有乜注意事項,希望亦令對真道有興趣既你了解下學校既日常啦!下回我地會講下係真道typical既一個上課日係點。