大家細個有無一個畫面係呢一世都會記住？
我細個係沙田友。我好記得小學有一次，阿媽同我坐喺第一城舊銀城商場天台一個roller場，同我講咗一句說話：「寬恕別人係一種美德」。
當時我當然唔明白呢個說話既意思，但呢個畫面卻好深刻咁留喺我腦入面。今日諗返轉頭，呢句說話，係影響我一生既說話。
我諗我並沒有變成一個好識得寬恕別人既人。但阿媽呢句說話真正inspire咗我既唔係學識寬恕人地，而係學會放過自己。
做咗幾廿年人，多少會遇啲奇人怪事。因別人既種種不是而影響、困擾自己既情緒，未免太可惜了。
我唔知我阿媽當年點解要教我呢樣野，亦唔知佢有無諗過呢句說話我會記到宜家。我諗或者做人父母就係咁：有時不經意既一句說話，可能成為子女人生中重要既座右銘。
我好好奇自己有無喺兩姐弟成長路上，留下咗一啲inspiring、令佢記住一世既回憶呢？我只知道，兩姐弟長大後，一定會記得我曾經同佢地講過呢句說話。
.
.
.
.
.
.
.
.
.
.
.
.
「嘩呢包薯片正喎。」