公司開party，星期四晚喺downtown包咗間酒吧俾大家狂歡一下。
老細叫大家盡情飲盡情玩，聽日返工跟返公司一貫既”12 hours policy”就好了。
估唔到呢間連返工放工都無乜規矩既公司，係玩呢方面反而係有明文規定。
同事A：「哦？你喺香港做野無12 hours policy既咩？」
喺香港返工做足12個鐘基本野喇，有咩policy可言?
同事A：「12 hours policy即係你今晚玩到幾點，聽朝就12個鐘後先返工。例如你玩到今晚十一點，聽朝咪返十一點囉。」
換句話說，玩得越夜，第二日就做得越少野。如果你玩通頂，第二日基本上就唔駛返工了。
有時唔係好明…點解公司會唔執笠㗎呢？
