好痛心睇到學校老師捲入呢次既漩渦。好痛心睇到有人受傷害(身心都有),社會、學校撕裂、割蓆,大家拼命地去為大家找錯處。

「嗱!你睇下你!你話我你咪又係咁!」

幾時會出現呢句對白?

兩公婆又或者同小朋友鬧交果時成日出現。

咁大家互數完有無結果?

只有仇恨。

有一次家長講座,Miss Yuen講點解我地同小朋友connect唔上,你有你講,佢有佢唔聽?因為大家唔同perspective。或者唔係因為我同阿囡唔夠冷靜,而係大家根本用緊完全唔同既角度去望緊、講緊一件事。

我其實諗寫唔寫呢篇野都猶豫左好耐,因為我好怕。係呢個非黑即白既氣氛下,無論你點講、持咩立場,大家都好容易立即起底分派歸邊。同時又好害怕多一個message,多一個人傳,就多一個小小既火花慢慢變大。

好似今次老師呢個事件咁。

老師今次不對,相信老師自己都已經好清楚。作為真道既家長,我希望老師會緊守真道精神去自省、改變同埋接受後果。我亦深信學校會好好處理呢件事,唔輪到其他人說三道四指指點點,更唔希望有人借題發揮,用呢件事成為大家互相謾罵既導火線,什至係變換政治籌碼。

記得上次正生書院陳校長黎真道講talk,講過一句說話:「家唔係講道理既地方,係講愛既地方。」我仍然好天真咁希望,香港同學校呢個家,我地就算意見不一都能共存。

無論如何,我依然proud to be一位真道家長,依然對呢間學校有信任、有希望。

One comment

  1. 好校爸,多謝你ㄧ路既文章陪伴,讓我多了解了真道。真道是我希望女兒考到的第一志願,好不容易考到了,但確發生這件事。真的痛心,及失望。

    痛心,為何會有老師這樣沮咒無辜的小朋友,對在讀小學生是警察的家人如何釋懷。

    失望,為何學校不是暫時停止他的職務,直到調查完畢。反而讓他繼續在校宣染及解釋?事情發生後不停有家長傳載戴先生解釋的短訊,讓家長群組變了另一個戰場。

    這位戴先生已在真道數年了,感覺得到他的政見思想已深入學生的思維。面對這樣的局面,我只好退學。因為道德標準及倫理是從小培養的,在這樣的薰染下是會被扭曲的。

Leave a Reply

發佈留言必須填寫的電子郵件地址不會公開。 必填欄位標示為 *

想睇到最新內容?

歡迎讚好「好校爸」Facebook專頁!