港大同學會小學開放日2017

  •  
  •  
  •  
  •  
  •  

其實一向都唔知有港大同學會小學(簡稱港同)呢間學校,不過無論係同事、同學d家長什至阿囡間幼稚園個校長都話呢間學校好。佢地既簡介會我直頭錯過左,好彩老婆話佢地有開放日又唔駛book,於是又帶埋阿囡出去睇睇。

學校導賞團

同阿囡搭地鐵去到柴灣站,由D出口經天橋就可以落返柴灣公園。穿過個公園就會見到港同,我記得大約行左十五分鐘左右。

廣告
Loading...

去到學校已經人山人海,正當唔知點埋手既時候見到有個姐姐拎住個牌寫住「學校導賞團」,立即衝埋去:

呢個帶隊姐姐應該係小學六年級,一路帶左我地去左唔同既特別室同課室參觀,有問必答,同埋覺得佢好醒目 (因為個flow似乎因為人多唔係好跟佢原本個plan,但佢自己執生)。心裹面已經暗自鐘意左呢間學校一下。

美術習作展

導賞途中見到學生既美術堂功課忍唔住影左幾張:

中、英文功課

之後係班房影左幾張中、英文既功課:

中間係班房撞到一個外藉英文老師,問佢小一有咩功課,佢話佢比學生既功課就係返屋企睇一本英文書,然後講返故事出黎比佢聽。聽落又幾好woh。

時間表

行過又見到有時間表影低左,好多日都有早讀時間:

廣告
Loading...

班級經營

有一樣吸引到我留意既係佢地班級經營既概念。學生用班主任課時間話事點run班裹面既活動,有少少似班會,但係係全班同學都要參與合作而且由小一就開始。老師會guide但唔會一言堂做晒決定。覺得呢個幾好係因為其實佢地長大後,更重要既協作能力。

生命教育

好似真道既天倫教室,旨在培養小朋友既價值觀。不過唔駛驚係迫佢背三字經,佢地係透過唔同既體驗活動等你從中學習。

科學課

科學同生命教育一樣都係體驗為主 – 真係比你做實驗。漸漸發覺做實驗已經唔再係中學先會發生既野。

音樂課

每個年級都有十節一個鐘既音樂課,每個年級都有唔同樂器比佢地玩。咁當係無音小咁勁既。

總結 - 點解4會大過5?

成個開放日最印象深刻既一幕係係一個班房度見到一份數學功課,個問題係「點解4會大過5?」。同學跟住大家發揮創意,例如有人話4m大過5cm。個題目無固定答案,但同學每人諗完寫返自己既想法同解釋。果一下立即覺得呢間學校唔係想train一班高分人,而係一班遇到唔同問題都會思考點解決、識「執生」既小朋友。

呢一下亦都令我立下決心,一定要幫阿囡報呢間學校。

 

廣告
Loading...


  •  
  •  
  •  
  •  
  •  

2 Comments

  1. 你好,想問問大約何時會有港同面試分享呢?謝謝!

    • Naeco你好

      好抱歉我未必可以寫到港同既面試資料比大家參考-記得當日係撞左優才個家長面試,所以搵左外公幫手帶佢去,之後亦問唔返佢做過乜野。
      同埋阿囡基本上係第1 round就被KO,所以唔知之後係點了…

      唯一想講既係:阿囡成班同學中只有好少人過到1st round,過到既都係我心目中比較好動、主動既小朋友;感覺學校係真係look for某一種學生,雖然真係心儀,但阿囡或者唔適合。

      無論如何,係度祝你同小朋友成功啦!

Leave a Reply

想睇到最新內容?

歡迎讚好「好校爸」Facebook專頁!