Skip to content

[阿囡學coding] (一) 咩係學coding?

終於到暑假了!老婆一早已經為兩隻野安排好晒佢地既暑期活動,等佢地唔駛日日係屋企數手指。聽老婆講阿囡有兩個同學仔係暑假都報左出面學coding既班,仲要幾好玩,攪到我即刻「我夠識教啦」症發作。於是research左一下有乜options,係度同大家分享下。

咩係coding?

首先未比錢報堂之前….咩係coding / 編程先?

以我地平時用手機入面既apps為例:點解我係FB一襟share佢識得upload我張相放上網?點解我玩緊Mario我一tap佢個公仔就識得跳起?原因係我地係創造呢d apps既時候已經預先比晒instructions – 例如一有人tap就要郁個公仔向上移動。

手機(又或者廣泛咁講電腦)唔係人,我地唔可以叫佢做野時就咁講聲:「同我攪掂佢」(講真連工人姐姐都唔得啦…);我地需要用一個電腦都睇得明既語言去寫低晒d instructions教部電腦點做 – 呢個過程就係coding,我地寫既instructions就係code。所以簡單地講:

學coding即係學點樣比instructions電腦(或者手機)去做野

電腦識睇既語言都有好多種,雖然每種語言既「語法」(例如d標點符號點擺)上會好似我地學唔同外語咁有差異,但基本既結構都係大同小異,例如大家都會有名詞、動詞等等,可以講係一理通百理明。

咁坊間既coding課程通常會教咩?

宜家有少少概念,咁一般出面小朋友學coding會學邊一種語言呢? 正如我地學外語 – 如果一黎你唔識中文我就要你學廣東話你可能會好吃力;學coding都一樣,叫小朋友一黎就學一d 「商用」既語言盞嚇親佢。好彩有人設計左一d簡化左既語言專係比小朋友學coding既,其中一個最常見既就係Scratch:

Scratch係麻省理工media lab入面一個叫Lifelong Kindergarten Group既組織所創,理念係想小朋友將d program入面既指令好似砌puzzle咁砌起,唔駛好似真係寫code咁逐行打晒成句出黎:

小朋友靠郁下d puzzle再慢慢試行下,好快就可以寫到一個簡單既程式,什至係一個game出黎;當然從中亦同時可以學到一d coding既概念同技巧。

講到咁好玩…呢套Scratch咪好貴?係咪貴過廸士尼套英文DVD?

個真相係:呢套野係唔駛錢既。當然你有心係可以捐錢比呢個組織,但你只要上去佢個網站度登記,你就可以任何時候入去寫code。你仲可以save低你既project之後再寫亦得。

又如果你屋企有iPad / Android平板,有一個更簡化、更啱幼童既Scratch叫做Scratch Jr; 只要係你個tablet度裝左個Scratch Jr app你既小朋友就可以直接係部tablet度試寫code。

咁點樣開始學?

我相信你稍為Google下小朋友學coding應該都會有十個唔同既教育中心有開班可以教小朋友coding。揀一個你喜歡既試下吧!

不過如果你好似我咁「我都識教啦」病發又或者唔想比錢住想試下先,其實出面都仲有一d唔同既資源可以support我地自學。下回會先講下係巿面上有d咩書啱買返黎同小朋友一齊自學coding。

當然最緊要…希望阿囡有興趣學同覺得好玩吧!無興趣既幾有用幾易學都無用,而呢個series寫3個post應該就會完…

相片來源:https://www.flickr.com/photos/markusspiske/36605465764/

Be First to Comment

發表回覆

你的電郵地址並不會被公開。 必要欄位標記為 *