Skip to content

[阿囡小一上學記] (二十七) 小一上學記之終局之戰

我係antman。

有陣時其實好enjoy著起套antman suit,縮細左咁睇呢個世界。尤其係喺香港間屋咁細,一縮細左就會覺得自己間屋仲大過李嘉誠果間。如果我可以係香港量產到呢套suit,我肯定會發達,樓巿都分分鐘會降溫。

不過今次真係死過翻生。

爭啲就係量子領域(Quantum Realm) 返唔到出黎了… 好彩最後返到出黎。

話時話,我真係喺量子領域度好耐咩?見返阿囡… 點解好似變左第二個人咁既?以前我個小公主好sweet架… 宜家句句都頂到暈…… 叫佢去溫書,佢塊面仲黑過黑寡婦。

估唔到竟然會俾Thanos成功搵哂6粒無限石。上次Captain America搵我幫手,我都好想幫…… 不過阿囡測驗,點行得開呢。下星期阿囡考試了,怕且又要托隊長手肘。

呀隊長,考試測驗大過天喎

原本諗住入去領子領域幫阿囡搵返啲工作紙,俾佢溫大考。心諗搵晒成屋都無…… 唔係去左領子領域仲會係邊?

雖然結果一張紙都搵唔到…… 不過俾我發現左原來用彭氏粒子進入量子領域,原來有機會返返去以前其中一個時間點。

如果我成功的話,我諗我會返去佢啱啱識講野果時。點解?唔駛聽佢頂嘴嘛。

終於,阿囡執好哂啲工作紙,可以開始溫習了。

我:好啦,溫成點?

囡:溫哂啦。

我:但你啱啱先執好啲工作紙,點會溫哂呀?你不如俾個範圍我睇下啦。

囡:(不耐煩)唔駛啦……

真係想同佢講:你對阿爸啲態度都咁差因住俾Thor….

邊個不孝!!

既然你唔駛我幫,或者我真係應該去同班戰友一齊對付Thanos。講真呢個Thanos真係傻既,有乜理由千辛萬苦搵到6粒石會許個咁既願先得架……

俾著係我拎齊6粒無限石?梗係許願唔該阿囡頂少句嘴同埋記得考試check卷啦。

下?每次許一個願望架咋?仲要會死人添?

咁……做乜唔用龍珠呢?

Be First to Comment

發表回覆

你的電郵地址並不會被公開。 必要欄位標記為 *