優才第三次面試

起初去完優才第二次面試以為已經攪完晒等結果,點知原來仲有第三次面試(可參考成個優才收生程序):

優才第三次面試係旺角校舍進行,成個過程基本上唔駛30分鐘攪掂。面見通知書係叫左家長同埋小朋友一齊,不過果日媽媽唔得閒所以得我同阿囡去。

課室面見

簡單問答題

上到課室同阿囡一齊坐底,一位老師負責interview。問題包括:

  1. 你叫咩名?
  2. 邊個同你黎?
  3. 你讀邊間幼稚園?
  4. 平時邊個湊你同你做功課?
  5. 星期六日爸爸媽媽會帶你去邊度玩?
  6. 你最鐘意爸爸媽媽同你去玩咩?點解?
  7. 你想唔想黎呢度讀書?<– 呢條其實出左事,阿囡好爽快咁答: 唔想!

中間因為阿囡講到睇書,於是老師就開始問我問題:

  1. 平時睇書既習慣係點?
  2. 阿囡睇d咩書?自己睇定係會陪讀?
  3. 你鐘意爸爸定媽媽講故事比你聽?點解?<– 唔知點解阿囡好比面咁話鐘意我多d

合作講故事題

老師比左一本Oxford English Tree level 3既書 (我講果個故仔係呢個)比我同阿囡,個故事大約15頁紙,尾既10頁既字用紙遮住。首先由我開頭講頭幾頁(我係用廣東話),跟住就由阿囡接住看圖講晒成個故仔。

阿囡答得中規中矩,叫做講到個故事不過d 重點都skip左…基本上都唔係考你識字或者英文,反而係考下你表達能力。

以上成個問答我估大約15分鐘左右就完左。 跟住我地就落操場參加埋最後一part。

操場遊戲

最後一part落操場係跟住一個個小朋友完成一系列既運動:

  1. “捐”過d障礙物
  2. 跨d好矮既欄
  3. 坐係一塊有4個輪既板,跟住用2支棍向前移動
  4. 踢個波入龍門

每一part都有一個老師係度睇住,不過唔係好留意到佢點計分。雖則又唔算好大運動,不過都建議最好著波鞋方便行動。

做完去終點拎個禮物 (kinda出奇蛋) 就可以走得。

後記

自覺in得都幾好,雖則阿囡同人講話唔想入去讀…….。結果真係成功!

5 Comments

  1. thanks for your sharing, really want to know what happen in the 1st interview of GT and Logos, waiting for your next posts, yeah.

    • PCC你好

      優才同真道之間講真我無去分析邊間學校硬件定軟件好啲、邊間公開試成績好啲、邊間攞奬多啲。揀左真道純粹覺得曹校長講既野好中自己想要既野,感覺真道風氣自由,希望阿囡係呢個環境度會鐘意返學。呢個相信真係好睇家長同小朋友覺得學校夾唔夾吧?

  2. 我俾你篇文同你阿女咁率直嘅答案笑咗,好可愛,可能學校就係鍾意伊啲率直嘅小朋友!

發佈回覆給「好校爸」的留言Cancel Reply

發佈留言必須填寫的電子郵件地址不會公開。 必填欄位標示為 *

想睇到最新內容?

歡迎讚好「好校爸」Facebook專頁!