[讀家消息] (四) 點解要揀優才?

曾經係呢個環節度搵過一位家長分享點解揀優才,亦因自己親身體驗講過唔少關於優才既資料。新學年過左一半,搵到另一位熱心用家同大家詳細分享下優才課程既特色,同埋佢鐘意優才啲乜野。

問:點解你會揀呢間學校?

答:喜歡學校小班教學,專科專教。學校的課外活動即才華班選擇多,而且會於課堂時間授課,不用額外留校。

問:你覺得小朋友有咩特點呢間學校會收佢?

答:呢個唔肯定。不過覺得學校好重視家校溝通,會考慮家長參與程度。可能面試時佢知我日日送個囝返學,所以收左。

問:學校課程有乜特色?

答:小一現時課程為基本的中英數常等。但英文會分為校本GT ENGLISH 同 GENERAL ENGLISH。校本英文會由外籍老師授課,小朋友很喜歡這課。另外有課叫Good Kids Program,用遊戲教小朋友如何成為一個Good kid,好好玩的一課。小二開始有電腦及科創科。

問:你宜家最鐘意呢間學校既係咩?

答:校長比人印象都幾惡,但其實好有愛心,不單止教導學生,也常教導家長、與家長分享,令家長也受益不少。老師們非常有愛心,小朋友個個也很喜愛返學。每星期兩天會有早會,家長可自由參與。早會內容多元化,可以藉此更了解小朋友在校生活,所以我每星期均期待早會日的來臨。學校也鼓勵閱讀,每星期有一課閱讀課,一年級由校長親自授課。

問:學校功課量如何?

答:每天3-6樣,功課量可接受,抄寫的功課不多。

問:學校默、測、考量同埋深淺如何?

答:學校分三個學段。第一學段剛完,有三次中文默書、兩次英文默書、小測及學段評估,深淺度是可以應付的。第二學段會加音樂、體育評估,不過會在平常時課堂上進行。第三學段未太清楚,學校對評估未達標的同學,會開設努力小組,於早會時段替同學補課,但不用額外留校,下學段達標後就不用再上。學校告知每年均有留級及跳級情況。小朋友也需要努力,學校也有要求的。

問:學校多唔多活動 (課外活動、家校活動, etc)?

答:學校課外活動已包括在課堂中,每星期兩次(午飯後三堂),小朋友可自選自己喜愛的才華班。學校有綠色學會,參加了的會定期有活動,還可以在學校天台種植,我們也慶幸被抽到一塊田在天台種植中。學校經常舉辦活動及公益活動,有些甚至只為家長而設,家長可自由參與;一般家長們非常湧躍,每次也要抽籤。

問:有咩你覺得學校可以再做好d?

答:暫時沒有。

問:有無其他關於學校既野想同其他家長分享?

答: 在多元資優家長課程中給予家長關於學校的理念及課程等,覺得均有兌現。暫時對這間學校也相當滿意。

7 Comments

    • 小學除英文外全部為中文(小學六年級第三學段數學會轉為英文)
      中學除中文及中史外全為英文,不過(除英文外)老師會在教學時一半中一半英,鮮少有全英,方便解釋一些專有名詞

      • 多謝優才中學生幫手回答呢位家長!btw你真係優才既中學生? 🙂

          • 點解你會睇到你個blog既? 哈哈我以為大部分睇既都係啲媽媽……
            anyway再一次多謝你解答家長對優才既問題!

            希望之後仲有機會向你請教優才係點既!

  1. 希望現在就讀的優才中學部的學生可幫忙解答一下。
    我在中學概覽看到地理、經濟在中三才開始授課,中一至中二除主科是不是沒有地理、經濟,但有綜合科學? 謝謝!

Leave a Reply

發佈留言必須填寫的電子郵件地址不會公開。 必填欄位標示為 *

想睇到最新內容?

歡迎讚好「好校爸」Facebook專頁!