老朋友send咗一單新聞俾我：由英國《經濟學人》智庫 (EIU) 公怖既《全球宜居指數2024》，原來我現居既Calgary係排全球第5。
《全球宜居指數2024》根據穩定性、醫療、文化環境、教育同基建呢五個準則黎評估全球173個城巿既生活條件，就每個城巿既生活舒適度評級。今年頭十名城巿如下：
維也納 （奧地利）
哥本哈根 （丹麥）
蘇黎世 （瑞士）
黑爾本（澳洲）
卡加利（加拿大）
日內瓦（瑞士）
悉尼（澳洲）
溫哥華（加拿大）
大阪（日本）
奧克蘭（紐西蘭）
朋友話睇黎Calgary真係一個幾好既地方。睇返以前既紀錄，Calgary原來過去幾年都喺全球前列位置。
作為呢個城巿既一份子，我當然與有榮焉。不過好老實，呢啲報告既結果永遠都好見仁見智。畢竟呢啲數據分析通常係睇「平均值」，但宜唔宜居卻相當「個人」。我估你就算問一個Calgary既本地人，可能佢都會對份報告結果感到意外：「吓？呢度醫療一百分？我排咗幾耐都未有得見醫生呀？」
宜唔宜居，都係睇下啱唔啱現階段既自己吧。啱既就世外桃源，唔啱既就兩秒講完。
好似娶老婆咁，無一個人係一百分。合眼緣、鐘意咪得囉。
Wait…what did I say.
老婆….當然係一百分既。
完。
#好危險
最初睇到Calgary排第5真係有啲驚訝，不過好似你咁講，有幾宜居真係好個人
淨係呢度既天氣，我就覺得如果係度出世就好，香港既春夏秋冬都不及呢度既乾爽🤭
當然移民後要面對既生活適應同工作真係好多，祝福你同家人都順利有關過關，享受新生活
多謝你呀Ashley!